Info
Titul: SCP-262-IE - Li Anniversarie
Autor: la kanro &
day by die
Li pictura es fat de day by die
chinesi version
Objecte #: SCP-262-IE
Nivelle de Menacie: Blanc O
Classe del Objecte: Secur
Special Procedes del Contenida: SCP-262-IE deve esser proprimen situat in li Fundation-buró in Shuiximen Subdistricte, Jianye Districte, Nanjing, e contenet secun li Metode del Administration de Anomalies con Debil Dangere e Alt Valore. Removibil telekill, fabricat del Fundation, esset inplantat sur li superficie del objecte, por indication o beson in special situationes. Un membre de MTF-Mu-13 ha esset assignat a Nanjing e responsabil por li contenida del objecte e li instruction del mantenida. In omni casu, li objecte ne deve esser separat de Shuiximen Subdistricte por evitar factores íncontrolabil.
SCP-262-IE
Descrition: SCP-262-IE es nu considerat quam un libre 3 centimetres spess de pergamen del grandore 4K con un covriment de dur ligne. Li contenete del objecte sembla esser un serie de picturas narrativ dessinat per incre brilliant. Li contenete del picturas have incertitá, quel significa que Ii incre changea se per un visibil rapidore, e forma diversi ilustrat racontas in secondes.
Ci es li liste de actualmen conosset changes, quel include, ma ne es limitat a:
1. Jocas pri li filosofie anglosaxonic
2. Tecnicas de cocine del mixtura de francesi pane e stovat spaghetti
3. Li original version del Fabules de Esopo
4. Tecnicas de sanitari tractament e control de maladies
5. Li romantic diari vive de un cuple de baston-homes
6. Li amusant diari vive de un baston-hom in un colegia, e un missage
7. Un introductiv caricatura de exercida de milicie
8. Un emotional expression de patriotisme
9. Li raconta de Hamlet
10. Un missage optimistic pri li futuric vive de Princessa Lacte-capre
11. Un dinamic caricatura del crescement de un betul-seme
12. Paroles romantic interpretat de folies
13. Li caricatura de un familie
14. Li Manifeste del Partise Comunistic (in Interlingue)
15. Li Capitale (in Interlingue)
16. Li State e li Revolution (in Interlingue)
17. Li Festa Mediautunal de li baston-hom e li missage de benedition
18. Ilustrationes de assiccat kakis/lune-tortes/pamplemusses e un voraci facie
19. Un dinamic caricatura de un infante, qui sucusse osmanthus-semes a li terra.
Un betul-carte es atachat a li prim págine, con paroles scrit per incre brilliant.
建康路郵政支局仲秋紀念發行
Memorette Mediautunal Emisset del Postal Filiale de Kien-Kang Rute
祝你生日快樂 有生的日子里天天快樂ᐛ
Felici anniversarie! Mey te esser felici chascun die de tui viveᐛ
Li objecte esset decovrit in li camp de concentration de Sachsenhausen in 22-im de april 1945.
