SCP-CN-2469 (Lojban)
rating: 0+x
blank.png

.i dacti sinxa fa me'o sycypy. cyny. revoxaso

.i dacti klesi fa lai .TAUmiiel.

.i steci ke vasru tadji fa la'elu la dinkra kagni si'u lo vajni jecta ja selju'i bo girzu ca zukte lo nu sutra cupra sycypy. cyny. revoxaso gi'e fairgau ri lo xagri .i ro remna cu bilga loka pinxe sycypy. cyny. revoxaso li'u

.i ve skicu fa la'elu sycypy. cyny. revoxaso goi ko'a noi se finti la dinkra kagni de'i li renocino pi'e xa pi'e rere cu nalfadni ke micyxu'i litki me'e lo'u la .paganinis. noi djalitki micyxu'i le'u .i ba lonu ko'a se pinxe lo remna kei ri nalka'e loka bacru .i sa'e lo vokcinje po'e lo pinxe cu kakne loka desku ku .enai ku'i loka se sance lu'u

.i se jmina fa lu

lo kampu javni pe la smaji cedra

ne fi'e la srecusku kagypau ku

noi se ningau sela'u li pare
zo'u tu'e


.i a'adai lo vi javni cu se pulji la me sycypy. ke dinkra kagni kujoi la terdi ke makfa gunma kujoi lai gunma natmi .i .e'ocai ko tezu'e lonu do .e lo lanzu be do cu snura cu tinbe ro lo javni

.i pamai ko na'e bacru .iju tolylau .i e'o ko bazi lonu terbe'i la .paganinis. noi djalitki micyxu'i cu pinxe ri
.i remai ko tolxanka gi'e roroi morji lo du'u do snura gi'o na'e bacru .i fau lonu do sajbi'o lonu lo vi prenu seja'e lonu mutce terpa cu fekybi'o kuku ko bazi rivbi mo'i to'o nu'i la'u lo mitre be li su'o pamu tezu'e lonu na'e se xrani
.i cimai ko na pencu .i ckape
.i vomai ko na gunta .i na'e plixau gi'e ckape
.i mumai ta'iroda ko na rejgau to ciska gi'a kacmyterxra gi'a terskina toi gi'a casnu .inajo do tolnu'a
.i xamai ko tadni gi'a gunka gi'a jmive vau tai loka se tcaci .i .einai do je'utra lonu noda zasti vi do
.i zemai mi'a ca laltadni lojei lo cabra poi se sance lo remna voksa cu ckape .i pu lonu lonu go'i cu mulno ku ko na pilno lo remna voksa cabra .i mu'a ko na tinju'i lo zgike
.i bimai lo vi javni ca lonu la dinkra kagni cu laltadni ku se ningau .imu'ibo .ei ko ru'i jundi

tu'u
sei la mesycypy. ke dinkra kagni cu finti
be de'i li renocino pi'e xa pi'e rexa


li'u

dinkrakagyselfi'i fairmenli gunta jmive jutsi katcti mesycypy nalselvau narka'eselspo sance taumiiel | srecusku-pagbu porpi-murta | jugbau

Unless otherwise stated, the content of this page is licensed under Creative Commons Attribution-ShareAlike 3.0 License