Ojeto #: SCP-173
Clase de Ojeto: Euclide
Prosede Spesial de Conteni: La ojeto SCP-173 debe es contenida en un camera securida tra la dia. Cuando la persones debe entra en la camera de SCP-173, a la min 3 debe entra a la mesma tempo e le porte debe es resecurida pos los. En tota momentos, du persones debe manteni contata vidal direta con SCP-173 asta cuando tota persones ja vacui e resecuri la camera.
Descrive: Moveda a Zona-19 en 1993. Sua orijin es ancora nonconoseda. Lo es construida de beton e baras de forti con trasas de pinta de airosol de marca Krylon. SCP-173 es animada e extrema enemin. La ojeto no pote move en un linia de vista direta. La linia de vista con SCP-173 no debe es rompeda en cada momento. La persones asiniada a entra en la camera es instruida a averti la un la otra ante palpebri. Reportas mostra ce la ojeto ataca rompente la colo a la funda de la cranio, o par strangula. En caso de ataco, la persones debe segue la prosede de conteni por ojetos perilosa de Clase 4.
La persones reporta sono de rasca petras, veninte de la camera cuando num es presente en la interna. Esta es considerada a normal, e cualce cambia de esta condui debe es reportada a le supravidor HMCL en servi.
La sustantia brun rojin sur la solo es un combina de fece e sangue. La orijin de esta materias es nonconoseda. La camera debe es limpida en cata du semanas.
