Un partes de la min complicada de SCP-914 en state nonativa
Ojeto n: SCP-914
Clase de Ojeto: Secur
Prosede Spesial de Conteni: Sola empleadas ci proposa un demanda formal e reseta la aproba de la comanderia en zona. On debe reteni tra la dia SCP-914 en la sala de rexerca 109-B con du gardores postida. A la min, un gardor debe acompania cualce rexercores ci entrante 109-B, en cuando la intera de proba. On debe envia un lista de tota probas cual ta es esecutada a cada la gardores postida; Cualce devia de la lista ta causa aborta de probante, estrae fortiosa de empleadas estra 109-B, e disiplina formal a vole de la comanderia en zona.
AVERTI: Aora, no probante de materias biolojial es permeteda. Refere a documento 109-B:-117. Usa la ajusta de "Bruta" a esplodentes es no sujestada.
Descrive: SCP-914 es un aparato macinal grande, avente alga tones de pesosa e des-oto metres cuadral de area; composante de vises, bandas, puleas, piniones, molas e otra tecnicas. Lo es complicada noncredable, con plu ca oto milion partes movente, composada de stanio e cupre per la plu, con alga cosa de lenio o stofa a videda. Oserva e sonda ia evidenti ja no asembla eletronical o cualce forma de enerjia, esetante la “Mola Xef” su la “Panel de Eleje”. Du cioscos grande cual es 3mx2.1mx2.1m (10ftx7ftx7ft) es liada a la corpo xef de SCP-914 con cubos de cupre; Lo es eticetida “Enflue” e “Esflue”. Cual es entre lo es un panel de cupre e un boton grande con un flexa peti tenida. Parolas de Bruta, Ru, 1:1, Delicata e Multe Delicata es locada a puntos sirca la boton. Cual es su la boton es un “clave” grande per enrola la “mola xef”.
Cuando on pone un ojeto en la Ciosco de Enflue, un porte lisca e clui, ante cuando un campana peti sona. Si la boton ta es turnada a cualce posa e la clave es enrolada, SCP-914 ta “refina” la ojeto en ciosco. No enerjia es perdeda en la prosede, e la ojeto pare a es nonmovente, asta cuando la Ciosco de Esflue abri. La oserva e proba intensa no ia mostra como SCP-914 susede a esta, e nun ia vide cualce ojeto de proba a en SCP-914 en cuando la prosede “refinante”. La prosede prende entre sinco e des minutos, depende par la grandia de la ojeto refinada.
Ajuntada: 5/14: Arcivo de Proba de Dr █████
Enflue: 1kg de aser (ajusta: Bruta)
Esflue: Un monton de blocos aserin cual varia en grandia, pare es talia par laser.
Enflue: 1kg de aser (ajusta: 1:1)
Esflue: 1kg de vise de aser
Enflue: 1kg de aser (ajusta: Delicata)
Esflue: 1kg de cloeta per tapeto de aser
Enflue: 1kg de aser (ajusta: Multe Delicata)
Esflue: Alga gas cual ia disipa rapida en la aira, e 1 gram de un metal nonconoseda. Lo es intata contra caldia de 50,000 grado, nonposible a plia o rompe con cualce forte, e con un condutador de eletrica cuasi perfeta (1.6x10-75 ρ)
Enflue: 1 orolojeta parteni a Dr █████ (ajusta: Ru)
Esflue: 1 orolojeta desasemblada completa
Enflue: 1 telefoneta parteni a ███████ (ajusta: 1:1)
Esflue: 1 telefoneta, ma lo ave diferente moda e marca
Enflue: 1 revolver normal de Colt Python (ajusta: Multe Delicata)
Esflue: [DATOS ELIMINADA] La ████████████ ja notada ia desintegra intera tota materias a sua linia de spara.
Enflue: 1 mus blanca (ajusta: 1:1)
Esflue: 1 mus brun
Enflue: 1 ximpanze (ajusta: Delicata)
Esflue: [DATOS ELIMINADA]
Enflue: 1 ximpanze (ajusta: Bruta)
Esflue: corpo mor malmutila, mostra indicas de crasente e taliante con caldia alta
Documento n 109-B:117: Arcivo de Proba de Dr ███ e Dr ███████
Enflue: Probada D-186, om caucasian, ave 42 anios, 108kg, 185cm alta. (ajusta: 1:1)
Esflue: Om latina, ave 42 anios, 100kg, 188cm alta. La probada ia es multe confusada e ajitada. El ia ataca la securiores. El ia es matada.
Enflue: Probada D-187, om caucasian, ave 28 anios, 63kg, 173cm alta. (ajusta: Multe Delicata)
Esflue: [DATOS ELIMINADA]. La probada ia evade de cambra per proba, ia mata oto gardores e como ance Dr ███ e Dr ███████. Enclui ia inisia. La probada causa conteni fali de tre areas de SCP en la atenta de evade seguente. La ecipo de responde spesial ia engrana lo, resulta feri sever de probada, perde de memoria partal en ecipores e dana corodente a la tubos. La probada ia mori pos alga oras, disolve en senes blu, e sieci ecipo de rexerca prosima.
Probas biolojial con SCP-914 ia descontinua.
Nota: “Par causa de la cualia de esta SCP, datos de proba estendosa ta es aidosa. Dr Gears ia comanda ja ce cualce rexercor pote asede a nonbiolojial proba si los mesma es, o es supravideda par un rexercor de Nivel 3. On debe rejistra tota probas en la fix n914-E (Arcivo de Esperimenta 914). Probas biolojial ia continua sola si on ave autoridia coreta de 05 Comanderia. Tra ce vos vole proba alga cosa comun cual no es vivente, a tua vole, aida nos a cumula datos.” - Dr █████