nanpa ijo: SCP-173
kulupu ijo: Euclid
nasin poki namako: kulupu o awen lon poki pini e ijo SCP-173 kepeken tenpo ali. jan li wile kama tawa poki pi ijo SCP-173 la jan tu wan anu mute o lon insa lon tenpo ali. kin la jan o pini sin e lupa lon monsi ona. tenpo ali la jan tu o lukin wawa e ijo SCP-173 tawa tenpo ni: jan ali li weka tan poki li pini e poki.
sona: kulupu li tawa e ona tawa ma Site-19 lon tenpo sike nanpa 1993. kulupu li sona ala e tan ona. kiwen tomo en palisa kiwen li sijelo ona. kule tan esun Krylon li lon selo ona. ijo SCP-173 li ken tawa li ike mute. ijo ni li ken ala tawa lon lukin wawa. tenpo ali la jan o pakala ala e lukin tawa ijo SCP-173. jan lon insa li wile pini e oko la ona o toki e ni tawa sama. toki la ijo ni li utala kepeken nasin ni: ona li pakala e anpa lawa. utala la kulupu o kute e nasin poki pi ijo pakala pi kulupu nanpa 4.
kulupu li toki e ni: jan ala li lon insa poki la kalama ni li kama tan insa: ona li luka wawa e kiwen. pilin la ni li nasa ala. kin la, ni li kama ante la jan o toki e ni tawa jan lawa HMCL pali.
ijo jelo loje lon anpa li kama tan ni: ko jaki en telo sijelo loje. kulupu li sona ala e tan pi ijo ni. tenpo esun tu ali la kulupu o pona e poki.
