nanpa ijo: SCP-909
kulupu ijo: Euclid
nasin poki namako: o poki e ijo SCP-909 lon tomo pi poki jan. o lon ala e ilo sitelen lon insa tomo poki. o awen e lipu lon sinpin pi tomo poki lon poka supa lape. lipu ni li pana e sona ni tawa ijo SCP-909: ona li lon seme tan seme. ijo SCP-909 li weka e lipu la o pana e lipu sama sin. tenpo suno wan la o pana o pana o pana e moku tawa ijo SCP-909. moku li ken ala jo e kili kiwen lili.
ijo SCP-909 li alasa sitelen la ni li ike mute. o pake e ona. taso o moli ala e ijo SCP-909.
ken la sina wile alasa e sona ni: nasa pi ijo SCP-909 li seme? nasa ona li tan seme? jan li ken ala ken pali pona kepeken nasa ona? taso, o alasa ala e sona kepeken ijo SCP-909. alasa ni li monsuta li ken pakala e poki pi ijo nasa. taso, sina wile mute la o toki tawa jan lawa pi ma poki. alasa sina li pona tawa jan lawa la, sina ken alasa e sona kepeken ijo SCP-909.
nasin lawa li lon. nasin lawa ni li lon kulupu Jan Lili. nasin lawa li toki e ni: o poki e ijo SCP-909 lon nasin tomo nanpa ██ lon ma poki nanpa ██.
sona: ijo SCP-909 li sama lukin jan mije pi selo walo. lawa ona li pakala li ken ala poki e sona pi tenpo pini. ona li sona e ni: ona li seme lon tenpo lon. taso ona li seme lon tenpo suno pini? ona li seme lon tenpo sike pini? ona li sona ala. jan li toki e sona tawa ona la, ona li kama sona e sona ni. taso tenpo kama lili la, ona li sona ala e sona ni. pakala lawa ni li nasa ala.
ni li nasa: ijo SCP-909 li sitelen e sona la, lawa ona li ken poki e sona ni. ona li ken awen sona e sona ni lon tenpo mute. kin la, lawa pi jan ante ale li ken ala poki e sona ni. sona ni li kama weka tan lawa pi jan ante ale. ni li nasa mute.
kili kiwen lili li ike tawa sijelo pi ijo SCP-909. ona li moku e kili kiwen lili la, ona li ken ala kon li moli.
mi mute li kama sona e lon pi ijo SCP-909 tan ni: ona li lon lupa kama [WEKA] pi ma poki nanpa ██.
sona sin nanpa 909-1: ijo SCP-909 li jo e sitelen awen lon selo noka. sitelen li toki e ni: "jan Sona Ala tan kulupu Jan Lili ® tan jan sona Musi". ijo SCP-909 li jo e len sijelo. len sijelo li pimeja li pona lukin li suli lukin. nimi esun ni li lon lipu len lili pi len sijelo: esun "toki ken pi jan sona". mi mute li sona ala e esun ni. jan pali li awen alasa e esun ni.
sona sin nanpa 909-2: jan pali li alasa lon len pi ijo SCP-909 la, ona li kama jo e lipu (o lukin e lipu nanpa 909-a). kulupu pi nimi jan li lon lipu. ken la kulupu ni li nimi pi jan nasa sama ijo SCP-909.
sona sin nanpa 909-3: lipu toki
jan pi pana sona: ijo SCP-909
jan pi lanpan sona: jan sona ███████████
sona open: tenpo suno kipisi 7 la, mi mute li awen lukin e ijo SCP-909. tenpo ni la, mi mute li kama sona e pakala lawa ona. kin la, mi mute li kama sona e ni: ijo SCP-909 en ijo SCP-905 li sama lili. lukin li pini la toki li open.
<O OPEN E LIPU>
jan sona ███████████: suno pona, 909 o.
ijo SCP-909: 909? sina toki tawa mi kepeken nimi 909 tan seme? kin la, mi li lon ma seme?
jan sona ███████████: (ona li lukin e lipu) sina ijo nasa SCP-909. tenpo lon la, mi lawa li awen e sina. mi jan sona tan kulupu. mi alasa e sona pi nasa sina.
ijo SCP-909: kulupu? kulupu li seme? tan ni la-
O LUKIN: tenpo ni la, jan sona ███████████ li luka e nena lili. ilo li kalama suli e "piiiiii". ijo SCP-909 li kama sama lukin jan pi sona ala. kalama li pini.
jan sona ███████████: toki, 909 o.
ijo SCP-909: 909? sina toki tawa mi kepeken nimi 909 tan seme? kin la, mi li lon ma seme?
jan sona ███████████: (ona li lukin e lipu) sina ijo nasa SCP-909. tenpo lon la, mi lawa li awen e sina. mi jan sona tan kulupu. mi alasa e sona pi nasa sina.
ijo SCP-909: kulupu? kulupu li seme-
jan sona ███████████: oke. mi tu o pali ante. sina o sitelen e sona pi toki mi.
ijo SCP-909: oke. (ijo SCP-909 li lanpan e ilo sitelen e lipu li open sitelen)
O LUKIN: tenpo kama la, mi mute li lukin e sitelen wile pi jan sona ███████████. mi mute li kama sona e ni: tenpo ni la, jan sona ███████████ li wile luka e nena lili kalama. ike la, ona li luka ala.
jan sona ███████████: (awen pi tenpo lili) sina o, sina li seme?
ijo SCP-909: mi nnn… ijo nasa. sina lawa li awen e mi. sina sona e ni anu seme?
jan sona ███████████: seme?
ijo SCP-909: sina sona e ni anu seme?
jan sona ███████████: ala. mi lon seme? ma ni li seme?
<O PINI E LIPU>
toki pini: jan pali ni ale li pilin ike pi sona ala. jan pali ni li weka e jan sona ███████████ e ijo SCP-909 tan tomo. ijo SCP-909 li toki tawa jan pali ante li pana e sona pi ijo mute ni. jan pali ante li tawa e ijo SCP-909 tawa tomo poki ona. mi mute li weka e jan sona ███████████ tan pali mani ona. mi mute li pana e misikeke pi weka sona pi kulupu Pi tawa ona.
sona sin nanpa 909-2: lipu nanpa 909-a
a! tenpo lon la sina alasa li kama jo e jan pi kulupu Jan Lili ®. kulupu Jan Lili ® li kulupu pona tan jan sona Musi.
o kama jo e ona ale o kama jan Jo a!
01. jan Akesi
02. jan Lawa Ala
03. jan Mu
04. jan Sona Ala ✔
05. jan Sijelo
06. jan Weka Jaki
07. jan Wile Moku
08. jan Kiwen Jelo
09. jan Seli
10. jan Suwi
11. jan Ale en jan Moli
12. jan Kala
13. jan Mun
14. jan Lojje (weka)
15. jan Mani
16. jan Tawa
17. jan Powe
18. jan Pilin Utala
19. jan Monsuta
20. jan Linja
sona sin nanpa 909-3:
lipu ni li tan ijo SCP-909. tenpo pini la, ijo SCP-905 li jo e lipu sama. taso ijo SCP-905 li toki e ni: "ike la mi weka e lipu mi tan kon tawa". ijo SCP-913 li moku e lipu sama ona. ijo SCP-917 li jo e lipu sama (o lukin e lipu nanpa 917-a). ijo SCP-917 li toki e ni: ike la ona li weka e lipu sama ona. - jan sona ███████████.